Дали е потребна војна за да си ја покриете неспособноста

   Гледам и се чудам актери, доктори, директори на школи, установи т.н интелектуалци застануваат во „одбрана“ на Македонија. Епа баш сте самонаречени интелектуалци, луѓе кои гледаат само во општинските комитети, кои  чекаат партијата да им поможи за вработување, за функција, кои не го знаат значењето на зборот  животопис(C.V). И природно е очекувано „такви интелектуалци" да се најдат на улица бранејќи ја Македонија од  „непријателите“.

       Дали вашето место, функција вреди човечки живот, кој би се дал непотребно  ако дојде до екскалација на ситуацијата, дали сте свесни дека сте застанале во подршка на криминал на деструктивна политика, која пред себе го става сопствениот интерес. И секој оној кој ќе и застане на патот ќе биде најжестоко  казнет. Дали сте свесни дека казнувате цели генерации ради тесногледост и користољубие??? 

        Зошто наместо да гледаме кон минатото и да си покажуваме мускули еден на друг, и кој е над кој, кој е непријател, кој е предавник, да погледнеме кон иднината, кон развојот на општеството. И секако да прво самите да си го пронајдете местото во општеството не да зависиме од партиската книшка, која по се изгледа само краткорочно ви ги решава проблемите, а долгорочно ви отвора поголеми проблеми. Станувате нејзин роб.

         Точно и Шарените протестираа/вме, ама ние протестиравме  за подобра Македонија, каде економскиот и културолошкиот развој ќе е на прво место. Ние баравме Македонија, ослободена од криминал, Македонија каде секој ќе си го каже своето, без страв дека ќе биде осуден од општеството.

        Свртете се околу себе, живеете во загадена средина, се плашите дека со одењето на лекар може да ви биде полошо, знаете дека вашите деца се експериментални глувчиња, затруени од ефтини турски серии. Ама на тоа не реагирате пошо се плашите,  се плашите дека ќе бидете избркани на улица, ќе бидете одстранети од функцијата, која незаслужено сте ја добиле. Системот не ве убива него веќе ве убил ве претворил во роб, кој од појас нагоре е мртов, нема срце, мозокот ви атрофирал бидејќи се плашите да го користите. И на крај влегувате во војна само и само да ја покриете својата неспособност, безидејност, вашата лажна величина. ЗАСРАМЕТЕ СЕ!!!

Нема леб, ама може да се послужите со национализам

„Национализмот е тема за до 300 евра месечен приход. На нив им се сервира таа приказна. Кога платата ќе надмине 500 евра, тогаш почнува да се зборува за гардероба и кафулиња. Кога ќе надмине илјада, топ-тема се здравата храна, летувањата и зимувањата, а кога ќе се искачи на повеќе од три илјади, тогаш запира секое паламудење. Луѓето тогаш зборуваат за временската прогноза и за љубовта“, вели Рамбо Амадеус.

Ако не ви е јасно за што станува збор, најљубезно ве молам обидете се уште еднаш да го прочитате горниов текст, и прочитајте го пак се дур не сфатите како сте стигнале до ниво на кое сте стигнале. 

Дали не сфаќате, дека сте гладни, и дека гризете, и наместо сo леб ве ранат со најефтин национализам, зар не сфаќате дека бранејќи го неодбранливото, ставајќи се во служба на нечиви „квази идеали“(Чорба викаше за идеале гину будале), всушност го бркате најмилото од себе. Зар не сфаќате дека тонете во безидејност, поготово ние младите(сам се ставам во таа категорија), дека нешите другари од околните земји и Европа на свои 30 години, развиваат бизниси, иновираат технологии во разни области. Стануваат експери во своите области, ама прави експерти, не политички експерти.

Дали знаете дека на запад се протестира за почиста околина, за заштита на човековата средина, ама вас тоа не ве интересира, вас ве интересираат само „непријателите“. Дали сте свесни дека сте погубни за самите себеси, дека наместо прогрес и револуција, во себе носите деструкција, со која уништувате се околу себе. Дали сте свесни дека живеете во општество во кое, нема здравство, школството е сведено на експеримент, судството е претворено во проституција, и тоа не ви смета, ви сметаат „клетите непријатели“. Дали мислите дека сето тоа е воред?!

П.С Да се скараш со еден е ОК, со двајца и така и така, е веќе со тројца и повеќе вината барај ја во себе.

А војна да имаме???

„А, војна да имаме?“-М.П кон министерката за внатрешни работи  Г.Ј, извадок од бомбите на СДСМ.

    Деновиве ги гледам растрчани и впуштени во Дон Кихотски битки, против некои „силни непријатели“, на сето тоа додадена неинформираноста,  и техничката неписменост на народот се зголемува тој наплив за борба, против „ветерниците“. Е сега таа борба не е проблем, ама кај адолесценти, сите кои ја надминале таа доба, а се впуштаат во ваква борба, сериозно треба да размислат за посета на својот матичен лекар кои би ги упатил на понатомашно лекување. Затоа мојата препорака е со ладни глави, да се чита секое соопштение , и да се пристапува со одредена доза на сомневање кон се што ќе слушнете и прочитате, и видите, и секако најбитното од се проверете ги фактите. Денес е барем лесно, преку т.н интернет, тој памти се и знае се.

      Само на овој начин ќе се спасиме од нови жртви, кои ги посакуваат, се со цел да си го спасат нелегално стекнатото богатство, и да се спасат од одговорноста.

Направивте да ни се згади, од животот, да почнеме да хибернираме, Честитам!!!!

   Што е политика??? Политика е се она што не опкружува , се она од што живееме и за кое живееме. Политка е загаденоста на воздухот, политика е образовниот и здравствениот систем, од политиката зависи висината на минималната и просечната плата. Од политиката зависат работничките права, од политика зависи цената на нафтата, од политика зависи дали ќе имаш топол дом. Политиката е се таа е двигател, од неа се почнува и со неа се завршува, како што таа може да крене, може и да тресне.

     А што направивте вие??? Направивте да ни се згрози, да не мислиме на политика, да не не интересира ништо, да почнеме да хибернираме, и да ќутиме и дa се крстиме во тоа дека има и полошо. Браво ви честитам!!! 

     Создадовте роботи, кои го почнуваат и завршуваат денот со мисла што утре??? Што не гледаат подалеку од утре. А со која цел??? 

         Целта е јасна, да можете полесно да манипулирате со нив, им(ни) ги наполнавте главите со турски серии и ефтин  турбофолк, не убедивте дека сме ариеска раса, од која се потекнало. Не убедивте дека политиката е шљам, а вие ќе не спасите од шљамот. А уствари не сето тоа го правите со цел што побезбедно да си ги одвезете милионите, а нас да ни оставите да ги враќаме. Е кога ќе дојдат да ни наплатат за она што сте го зеле, можда тогаш ќе престанеме да хибернираме, ама ќе биде касно. Возот Македонија ќе биде опљачкан, ајдутите со товарот заминати, а ние ќе останеме со празни џепови. 

Дали е време да се заборави Македонскиот синдром заб за заб, око за око!!!

         Сабота, прекрасен ден за прошетка, ги крстосуваме Скопските улици со пријател, кои го познавам долг период, и изузетно го почитувам, почнуваме онака неформални политички теми со нафрлање, во еден момент поминуваме на местото на поранешниот парк кај хотел Бристол, на чие место денес има неколку изворедно грди и глупави згради(бар за мој вкус). На мојата констатација дека на ова место треба вратен паркот, ми постави прашање кое ми ги размрда виугите, кое ето ме потикна на елобарација, дали не ти е доста од тоа Скопје личи на градилиште и од трошење на непродуктивност, на замарање со идиотски работи???

         Епа ке ви го кажам одговорот што и него му го кажав, да доста е...доста е од идиотски проекти, со кои си ги лечиме комплексите, со кои сакаме да покажеме дека сме надмоќни над другите, доста создаваме поделби....Треба да градиме општество со натпреварувачки дух..нешто што последниве 10 години го уништија и изфрлија како концепт, а поставија нов концепт на покажување сила и надмоќ. Преку таа сила и надмоќ уништија се што е вредено, ја уништија природата, историјата, здравството, школоството...Вршеа реваншизам, се дрзнуваа надвор од сите морални и христијански вредности на кои се повикуваат  да лажат, да клеветат, да приредуваат шоу преку тегнење за уши, легнување на земја....Да тоа што го направиле треба да им се наплати, ама треба да им се наплати лично нив, не на нивните семејства, не на нивните пријатели, не на нивните гласачи. 

             Затоа треба да испаднеме по доблесни и треба да престанеме да се држиме до онаа народната око за око , заб за заб.....него треба порано да делуваме превентивно, да го вратиме натпреварувачкиот дух во општеството..Да почнеме да го деконтамираме општеството од партијата. Да ја оставиме правдата да си ја врши својата работа,  да престанеме да мислиме дека сме над другите, за да некако успеме да ги вратиме вистинските вредности, и да им оставиме на идните генерации здраво општество.

            Знам дека ова звучи како еутопија, ама мораме да го консолидираме нашево општество, бидејќи единствен начин да се зачува постоењето на една држава еден народ е тоа....само и само преку создавање на здраво општество. Општество во кое главниот збор ќе го има индивдуата, ќе се слуша индивидуалниот а не партискиот став, по многу прашања. Партијата ќе биде сведена на маргините.


П.С Иако на членови на мојата фамилија во изминатиов период им беше вршена тортура, притисок, беа носени по судови, беа лажно пријавувани и клеветени...јас, ниту пак некој од нив нема  намера да се одмаздува за тоа, секој човек поединечно си го носи товарот на своите дела и недела.
П.П.С Ѓаволот на крај е како келнер, секогаш доаѓа со сметка .

Апсолутната власт, апсолутно аздисува

     Хм, гледам и се чудам,  човек кој ете требаше да е прв социјалец во државава, кој требаше да се грижи за сите оние кои имаат некакви проблеми, кои требаше да помогне на безпомошните, на оние на кои им треба помош, онака безкруполозно, безникаква грижа на совест се однесува како „плејбој“, вози кое сака возило, ги вози најубавите девојки, ја има целата моќ во себе. Сето тоа би било во ред ако тоа го прави со свои пари и свој имот, не да „позејмува“ возило од службата со кој нема никаква допирна точка. Ама ето му се бендисало тоа возило, и мислел дека со него ќе „повози“ повеќе девојки, пошто ето детето има проблеми со самоувереноста, мислел дека ете Туарегот ќе му ја врати самоувереноста.

      И сето тоа не би било страшно, ако не разберевме на најсмешниот и најидиотскиот начин, да биде приведен од полицајци, поради возење во алкохолизирана  состојба и напуштање на местото на несреќа....де факто избегал од полиција. Ама бил бркан од „криминалци“, кои ето решиле вечерта успатно да му направат атентат на „најголемиот лик“ во Македонско Ослободителната борба од странскиот чадор. Ве молам не ме смејте.......најдете други жртвени јагниња и нив објаснувајте им за ликот и делото на „швалерот“.

       Но не само тој и не е сам, има и други , од кои вредно учеше, ете првиот министер ни сакаше и си купи „убавица“ од автомобил, чисто да ужива во неговите патувања. А секако сето тоа да го прави надвор од очите на јавноста, за која нема пари за операции, за која нема пари за цитостатици, за веце-а во училиштата и градинките. Градинките ќе се прават во иднина, ама мерцедесот ќе се купи сега.

         Па на крај дури и се одлучија да си ги исполнат  и влажните сништа , и да си изградат, цел лего стиропор град....а пуштија 100 млади животи да згаснат ради немањето пари за лекови и лекување во странство, при бидејки министерот за здравство(инаку пропаднат правник по професија), решил да купува симулатори како би научил да оперира, и да им држи предавање на неговите Охридски „колеги“.

Тодоров, објаснува како се оперира



П.С И на крај сето тоа убаво им врви бидејќи си имаат кученца, кои едноставно и за ситни коскички ќе си ги пенават устите, а нас ќе пробаат да ни го поматат умот. Ама ето мене не успеваат, си стојам настрана и си се смеам на нивните фикс идеи, за кои ако би бил доктор, од дамна би им препишал, престој во специјализирани установи.

Пеколот надграден и проширен према заслугите

     Ако во Божествената Комедија на Данте Алигиери има  9 круга, а во 9-тиот круг се наоѓаа најлошиот џган, се наоѓа и самиот Луцифер, тогаш Данте не бил визионер или бил едноставно оптимист, дека Сатаната е најлошото што може да излезе. Ама изгледа не знаел за  Македонија, за нејзините политичари и големци. Не знаел за луѓе кои за себе тврдат дека се најголеми верници во Бога, а во суштина се полоши и од Сатаната. Едноставно Луцифер може вода да им носи. Едноставно ни на сон не му излегло дека ваков џган од луѓе ќе постои, кои и родената мајка би си ја продале само за власт. И родените деца би ги турнала во оган само и само да земат плус некое денарче во сопствениот џеб. Едноставно болесно......ниту еден доктор неможе да помогне, ниту еден бајач, никој........Бидејќи се работи за луѓе без душа, без осет, без чуство за општествена и друштвена одговорност.

      Затоа пеколот треба да се прошири и надгради со уште еден круг а тоа е 10-иот во кој треба да се стави Македонската актуелна политичка свита, која троши  околу пола милион евра за патни трошоци а нема 800.000 евра за заболени од ретки болести.  Нема за настраданите во поплавите, наместо да даде каде што треба, таа зема. Еј, луѓе кои болен ум треба да си за да од телефонските донации за децата кои треба да се лечат во странство, наплаќаш данок...наместо да помогаат, одмагаат.

       Е мој Луциферу, ако си правел експеримент која ти е крајната граница, на лоши луѓе кои можеш да ги создадеш,  си успеал, си се зезнал самиот себе си...си изградил  луѓе без трошка душа (а замисли тужат за нанесена душевна болка), луѓе без грам свест, луѓе, нелуѓе, „луѓе“ на кои едиствениот двигател  во животот им се парите и моќта.  Моќта која ја хранат од трупови, од лелеци, болки.  Луѓе кои се радуваат на тоа што гледаат како создаваат болка, лелек, и не се ни колебаат кога треба да го направат тоа.